Showing posts with label vangoni. Show all posts
Showing posts with label vangoni. Show all posts

Tuesday, April 3, 2012

MWANDI WAHALULAYI/HYAGAYI/ NAHA:-

JINSI YA KUHALULA/KUHYAGA ULEHI NA VINU VINGI PA MBOKOTO/LIGANGA

Kuhalula uhembe wa ulehi: Pakuhalula uhembe wa ulehi vilongolela huti kuvanja ulehi au kutola ulehi muchibana. Vakatolayi muchibana mula, viyanika pampasa. Wakayumayi vibula na kuwusa lyegelu ama mayeyelu ga ulehi wula, vihamba kuharula pa luala na

mbokoto. Sokoli za ulehi weuhyagiki lepi vikemela "lungehe". Lukumbi lungi visopa manji lungehe na kikita "ngandu" ya kulya yivisi.


Thursday, November 24, 2011

CHAKULYA CHA MALAIKA AU UGIMBI WA MAHOKA!!

Lukumbi lwa mahele vangoni viteleka ugimbi wa mahoka, vakuukemela ugimbi wa malaika. Vikita naha ngita panyumba mambu gatami he chabwina. Ngita vana vilwala ama pana mishoro yamahele au malilu gamahele au ngita vibena lepi bwina, pana njala nk. Vanalukolo voha vifikanila kuhuma kwevitama uko, viteleka ugimbi na kuteta mahoka.
Mewawa, lukumbi lungi mwana mdebe ngita ivembavemba pipipi, vanyaluhala vimanya yakuwa ivembela lihina la lihoka au vijova "lihoka la dadi ligoni he bwina". Hinu viteleka ugimbi wa mahoka na kumpela mwana lihina la lihoka lila. Ngita mambu gavi chabwina, na vana voha vikinakina vijova:- "Lihoka la dadi ligoni bwina."
TIKOTOKUKOSIWA MIKUWU NA MIVERU YITU (VANGONI) MWANGALEYI!!!

SONGEA YETU NDIYO ASILI YA WANGONI

SONGEA YETU NDIYO ASILI YA WANGONI