Friday, May 27, 2011

MGUNDA WA DADI WANGU WA MAYAO KUMDUNDUWALU!!

Dadi wangu na kaka Lwena vigima mayawu... hapa mgunda huu uvuli papipi sana na paatamayi mwe ZULU .Pa ndila tu kabla ya kuhika ku-Mdunduwalu .... na ukahumayi ku-Mdunduwalu kabla ya kuhika ku-Maposeni.... DADI WA KUNANI AVYAI NA NYENYE!!

Wednesday, March 16, 2011

NINOGILI SANA MAKOLO AGA...

Ngundi mangi, vandu vamahele vijova zinoga kutimbalila ufuta au matevele. Nene lepi, nene manji na mwinyu sana sana mafuta ,mapuni na chitunguu. Mamu weeeee yavili mwandi kweli nilili ngundi hizi.....
Pa navili mwana mdedebe naliganili sana lipwani na nilili sana sana mweh! kotokayi tu lipwani linoga sana na ugali wa mayavu yati ukujiluma ngoji ndava ya kumyangamyanga.

Friday, February 25, 2011

Msimu wa mapotopoto(masuku) hinu walongo!!!

Vamavu vigulisa mapotopoto hapa naha ndila ye mpaka wa kumishoni ya kuPeramiho, kuSongea Mkoa wa kuRuvuma. picha hiyi kuhuma kwa bambu - Jacob Malihoja.

Wednesday, February 23, 2011

NAMUYINU NINOGELA LIKOLO LA NANYUNGU!!

Lelu nikumbwiki kweli likolo lananyungu(pitiku) manji na mwinyu ndongi na ugali mwenga. Hata mfoselelu nikosewi kuvika hinu niweza lepi kuvika chidoyo. Panani hapo nde bustani yangu nalimili mwaka jana. Nimanyili hinu nde linamayau, pitiku/lananyungu, lanambatata ohh! lepi mwenge nikotoka kwani mtima uwina sana....

Wednesday, January 12, 2011

MWONILI MWA VALONGO VANGU!!!

Tavawoni, yewoo. Tavawoni, yewoo.
Vayemba eee. Kunyumba kwe mugonili
bwina, ooo Tivawoni, yewoo. Vayemba ee...........
Za magono walongo vangu, niwomba radhi nikayagili mahengu gene gamahele. Si mmanyili ligela msimu huwu. Mawoko mpaka mangelenge ndwaaa. Wuli mwaka 2011 uwanzili chabwina? Oh! niganeye kukosiva kuvapela kheri ya mwaka mpya. Nene mwaka mpya uwanzili chabwina nikumsengula mwe Dadi witu. Mwangaleye yati tikonganeka ligono lingi.

Tuesday, November 30, 2010

LIGELA NA MUNDU, MWENGA MSIMU UWANZILI.....

Fula ziwanzili lepi kutonya lakini ndi msimu wa kulima, na nene tayari nikamwili ligela langu lakini kuna magala gamahele tu na ukaribishwa sana kutangatila.....

SONGEA YETU NDIYO ASILI YA WANGONI

SONGEA YETU NDIYO ASILI YA WANGONI